Vestland fylkeskommune har ei tilskotsordning som skal fremja lokale initiativ til handling for ei berekraftig utvikling i fylket. Søknadsfrist er 15. september 2020.
Det vert gjeve støtte opp til 50.000 kr. for gjennomføring av prosjekt og tiltak, og det vert normalt gjeve inntil 50 % av total kostnad. Frivillige lag, organisasjonar, grendalag/bygdalag og velforeiningar kan søkja om tilskot. Så brenn du eller ditt lag inne med eit godt klima- og miljøtiltak, så søk!
Les meir om ordninga på fylkeskommunen sine nettsider.
Fylkeskommunen sine tilsette er veldig flinke til å svare på spørsmål, så ikkje ver redd for å ta kontakt med Ida-Beate eller Lene (sjå lenkje over for kontaktinfo).
Du på kva andre har fått tilskot for? Her kjem ei lita liste over nokre tiltak, kanskje dei kan inspirera:
- Eit grønt ungdomshus, Feios ungdomslag, 30 000 kr
- Jølstraauren – Kultiveringsprosjekt Kjøsnesfjorden, Kjøsnesfjiorden Grendelag, 20 000 kr
- Bevaring gjennom skjøtsel, Naturvernforbundet Hordaland, 50 000 kr
- Laboratorium for bærekraftige og demokratiske fremtider, Fremtenkt, 50 000 kr
- Bybonden i Bergen, Stiftelsen Lystgården, 20 000 kr
- Berekraftig og kortreist mat og kompetanse, Lønning Lutlandbruk, 30 000 kr
- Diplom som assistent i lokalt klimaarbeid i Vestland fylke, FN-sambandet i Norge, 30 000 kr
- Grøn Festival, Brak, 50 000 kr
- Plastjakten Hordaland 2020, Naturvernforbundet Hordaland, 50 000 kr
- Ta vare på det du har, Naturvernforbundet Hordaland, 40 000 kr
- Klimafestivalen § 112 Bergen 2021 – Åpningsseremoni, Bergen Klimanettverk, 30 000 kr
- Handlingskampanje for lokal bærekraft, Bærekraftige liv SA, 50 000 kr
- Grøne Juniorjournalistar, Framtida Junior v/LNK, 50 000 kr
- Biologisk mangfald, fordelt på 3 delprosjekt, Naturvernforbundet Sogn og Fjordane, 50 000 kr
- Plast Kystlotteriet, Naturvernforbundet Sogn og Fjordane, 50 000 kr
- Innsamling av piggtråd, Eidfjord kommune, 30 000 kr
- Om i Morgen, 50 000 kr
- Protect Our Winters Norge (Sogndal Chapter), 15 000 kr
- Bærekraftige liv SA, 50 000 kr
- Norsk Klimastiftelse, 100 000 kr
- Naturvernforbundet Hordaland, 200 000 kr
- Naturvernforbundet Sogn og Fjordane, 135 000 k
Del gjerne med andre personar, organisasjonar og lag der dette kan vere interessant – Lukka til!